“Bakı Metropoliteni” QSC “Cəfər Cabbarlı” stansiyasında tüstüləmə olub.
Baki-baku.az xəbər verir ki, hadisə stansiyaya bitişik yeraltı keçiddə yerləşən ticarət mağazasında tüstülənmə baş verib.
Qurumdan verilən məlumata görə, hadisənin metro sərnişinlərinə təsirinin qarşısını almaq məqsədilə “Cəfər Cabbarlı” stansiyasının giriş və çıxış qapıları dərhal bağlanılıb, havalandırma sistemi sovurma rejiminə keçirilib. Sərnişinlərin hərəkəti “28 May” stansiyası istiqamətindən təmin edilib.
Qurumdan həmçinin bildiriblər ki, “Cəfər Cabbarlı” və “28 May” stansiyalarının, həmçinin “Cəfər Cabbarlı-Xətai” mənzilində qatarların hərəkəti normal iş rejimi şəraitində təmin edilir. Saat 10:00-da stansiyanın giriş-çıxışı istifadəyə verilib.
