Arıqlamaq istəyən insanlar üçün səhər yeməyi düzgün planlaşdırılsa, artıq çəkidən qurtulmaq daha asan ola bilər.

Baki-baku.az bu barədə rusiyalı diyetoloq Yuliya Çexonina bildirib.

O qeyd edib ki, səhər yeməyi gün ərzində enerji balansını tənzimləyir, həddindən artıq yeməyin qarşısını alır və maddələr mübadiləsini sürətləndirir.

“Səhər acqarına bir stəkan su içmək mədə fəaliyyətini aktivləşdirir. O da öz növbəsində həzm prosesinə müsbət təsir göstərir. Səhər içilən kofe qan damarlarına faydalı təsir edir və bədənin oyanmasına kömək edir”, – deyə Çexonina qeyd edib.

Mütəxəssisin sözlərinə görə, səhər yeməyi yuxudan oyandıqdan ən gec yarım saat sonra qəbul edilməlidir. Bu zaman menyuda mütləq zülalla zəngin qidalar – yumurta, kəsmik və ya yoğurt yer almalıdır.

Diyetoloq sıyıqları şəkərlə deyil, təbii alternativlərlə – giləmeyvə və ya quru meyvələrlə şirinləşdirməyi tövsiyə edib.

Mütəxəssisin fikrincə, bu sadə qaydalara əməl etməklə səhər yeməyi bədəni formada və sağlam saxlamaq, arıqlamaq istəyənlər üçün mühüm vasitəyə çevrilə bilər.