Alimlər Everest dağının sürətli şəkildə böyüdüyünü bildirir.
Baki-baku.az bu barədə The Guardian-a istinadən xəbər verir. Alimlərin hesablamalarına görə, dağın hündürlüyü eroziya səbəbindən son 89 min ildə 15-50 metr artıb.
Everestə qalxmaq hələ də alpinistlər arasında bir uğur sayılır. Lakin alimlərin fikrincə, buna nail olmaq getdikcə çətinləşir. Everest bir növ böyümə sürətini yaşayır.
Qeyd edək ki, Himalay dağları təxminən 50 milyon il əvvəl Hindistan yarımadasının Avrasiya tektonik lövhəsinə çırpıldığı zaman əmələ gəlib. Mütəxəssislər, hazırda 8.849 m hündürlüyündə olan Everestin, axan çayların yaratdığı eroziya nəticəsində böyüməyə davam etdiyini iddia edirlər. Onların fikrincə, bu proses nəticəsində Everest son 89 min il ərzində 15-50 metr qalxıb və bu yüksəliş bu günə qədər davam edir.
Pekindəki Çin Geoloji Elmlər Universitetinin həmmüəllifi professor Jingen Day bildirib ki, dünyanın ən yüksək zirvəsi belə, nisbətən qısa geoloji zaman miqyasında hündürlüyünə nəzərəçarpacaq dərəcədə təsir edə biləcək davamlı geoloji proseslərə məruz qalır. O, Everestin bir növ anomaliya olduğunu qeyd edib: “Everest zirvəsi Himalayın digər ən yüksək dağlarından təxminən 250 metr yüksəkdir. Bundan əlavə, məlumatlar Everestin uzunmüddətli və qısamüddətli yüksəliş dərəcələri arasındakı uyğunsuzluğu göstərir.
