Bakının Sabunçu rayonunda Zabrat-Maştağa avtomobil yolunun bir hissəsində nəqliyyat vasitələrinin hərəkətinə tam məhdudiyyət qoyulub.
Baki-baku.az xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Bildirilib ki, təmir işləri ilə əlaqədar oktyabrın 17-dən etibarən Zabrat dairəsindən Maştağa qəsəbəsinin Elşən Məhərrəmli küçəsi ilə kəsişməyə qədər olan hissədə avtomobillərin hərəkəti tam dayandırılıb.
Əks istiqamətdə isə oktyabrın 19-u saat 08:00-dan etibarən nəqliyyat vasitələrinin hərəkətinə tam məhdudiyyət tətbiq ediləcək.
