Dəmir Yolu və Metropoliten üzrə PDPTM və “Zirvə” Gənclərin İnkişaf Klubu “Vətənə həsr olunmuş ömür: 103 illik eşq” adlı tədbir keçirib.
Baki-baku.az xəbər verir ki, tədbir Ümummilli Lider Heydər Əliyevin xatirəsinə həsr olunub.
Açılış nitqini Dəmir Yolu və Metropoliten üzrə BDPTM-ın tərbiyə işləri üzrə direktor müavini Fuad Əliyev edəndən sonra Müharibə, Əmək və Silahlı Qüvvələr Veteranlar Təşkilatının gənclərin vətənpərvərlik tərbiyəsi və ideoloji şöbəsinin müdiri Adil Haqverdiyev, Nərimanov Rayon Ağsaqqallar Şurasının sədri Arif Hümbətov, Nərimanov rayon Gənclər və İdman sektorunun müdiri Bahəddin Hüseynov, Şənətşunaslıq üzrə fəlsəfə doktoru, pedaqoq, jurnalist Fəxriyyə Lilpar, Yazıçı, şair, tərcüməçi, jurnalist Xanım Aydın “Zirvə” Gənclərin İnkişaf Klubunun sədri Fidan İsayeva, Mərkəzin Tələbə Gənclər Təşkilatının sədri Məleykə Məmmədrzayeva çıxış ediblər. Natiqlər Ümummilli Lider Heydər Əliyevin müasir Azərbaycan dövlətçiliyinin əsaslarının yaradılması, güclü idarəçilik modelinin formalaşdırılması və ölkənin uzunmüddətli inkişaf strategiyasının müəyyənləşdirilməsi istiqamətində göstərdiyi misilsiz tarixi xidmətlərdən danışıblar.
Sonda rəsmi qonaqlar, təşkilatçı komanda və tələbələrlə birlikdə kollektiv xatirə fotoşəkilləri çəkilib.
