Tanınmış jurnalist Aslan Aslanovun “Heydər Əliyevin Dövlətçilik və Diplomatiya Dərsləri” adlı I kitabı işıq üzü görüb.
Baki-baku.az xəbər verir ki, kitaba Aslan Aslanovun Ulu Öndər Heydər Əliyevin iştirak etdiyi tədbirlərdən mətbuat üçün hazırladığı informasiyalar daxil edilib. Həmçinin müəllifin həmin görüşlərə dair xatirələri, düşüncələri də kitabda yer alıb. Kitabda Ümummilli Liderin siyasi fəaliyyəti, 1993-1995-ci illərdə ölkədə baş verən hadisələr də qeyd olunub. Eyni zamanda kitabda Ulu Öndərin xilaskarlıq missiyasına necə başladığı, gənc respublikanı dünya arenasına çıxarması, çoxlarına dərs olan dövlət quruculuğu və diplomatik məharəti, qısa müddətdə müasir dövlət quraraq dünyanı heyrətə salması kimi bir çox mövzuya yer verilib.
Qeyd edək ki, Aslan Aslanov ömrünün böyük hissəsini Azərbaycan mətbuatına və onun inkişafına həsr edib. Ulu Öndər Heydər Əliyevin 1993-2003-cü illərdə keçirdiyi görüşlərin, qəbulların, iclasların və digər tədbirlərin, eləcə də xarici ölkələrə səfərlərinin əksəriyyətində Azərbaycan Dövlət İnformasiya Agentliyinin (AZƏRTAC) əməkdaşı kimi iştirak edib.
