Bakıda Novruz bayramına hazırlıq işləri yekunlaşıb.

Baki-baku.az xəbər verir ki, şəhərin müxtəlif hissələrində, parklarda, küçə və prospektlərdə, tarixi abidələrin ətrafında Novruz bayramı atributları, milli ornamentlərlə bəzədilmiş səmənilər quraşdırılıb.

Görülən bu hazırlıq işləri Novruz bayramının gəlişini daha da hiss etdirir və şəhərə bayram ovqatı bəxş edir.

Rəngbərəng və zəngin tərtibat paytaxt sakinlərinin diqqətini cəlb etməklə yanaşı, gələn turistlərin də marağına səbəb olur və onlara Bakı küçələrində bayram əhvalını yaşadır.

Qeyd edək ki, Azərbaycana yaz fəsli martın 20-si, Bakı vaxtı ilə saat 18:45:53-də daxil olacaq.