Lahıc qəsəbəsində Dövlət Turizm Agentliyinin Qoruqları İdarəetmə Mərkəzi üçün inşa olunan yeni inzibati binanın bu ilin sonuna qədər istifadəyə verilməsi planlaşdırılır.
Bu barədə Baki-baku.az-a açıqlama verən Lahıc Dövlət Mədəniyyət Qoruğunun direktoru Nəzər Əliyev bildirib ki, bina Lahıcın özünəməxsus tarixi memarlıq üslubuna uyğun olaraq tamamilə yenidən tikilir. Onun sözlərinə görə, işlər sürətlə aparılır və ilin sonunadək layihənin tam başa çatdırılması gözlənilir. Yeni binada qoruğun ofisi, muzey üçün inzibati otaqlar, kiçik iclas zalı və kafe fəaliyyət göstərəcək.
Direktor əlavə edib ki, yeni muzey konsepsiyası çərçivəsində Lahıc sənətkarlığının müxtəlif sahələrinin nümayişi, eləcə də yüngül istehsal proseslərinin ziyarətçilərə təqdim olunması nəzərdə tutulur.
