Qlobal internet şəbəkəsində texniki problemlər yaranıb.

Baki-baku.az xəbər verir ki, bu barədə ABŞ-nin “Cloudflare” şirkəti məlumat verib.

Şirkət bildirib ki, baş verənlər bütün dünya üzrədir. Server problemləri qlobal miqyasda internet kəsintələrinə səbəb olur. Hələ hadisənin səbəbi məlum deyil, internet saytları ilə yanaşı, mobil tətbiqlər və sosial media platformalarına girişdə çətinliklər yaşanır.

Qeyd edək ki, Azərbaycanın media məkanındakı bir sıra saytlar da baş verənlərdən təsirlənib.

“Cloudflare” veb-saytların sürətli, təhlükəsiz və fasiləsiz fəaliyyət göstərməsinə kömək edən internet xidmətləri şirkətidir.