Paytaxtın Nərimanov rayonu, Fətəli xan Xoyski prospekti ilə Koroğlu Rəhimov küçəsinin kəsişməsində hərəkətin təşkili ilə bağlı dəyişiklik edilib.
Baki-baku.az-a bu barədə Daxili İşlər Nazirliyi Nəqliyyatı İntellektual İdarəetmə Mərkəzindən məlumat verilib.
Məlumata görə, sürücü və piyadaların təhlükəsizliyini təmin etmək məqsədilə kəsişmədə Nəqliyyatı İntellektual İdarəetmə Mərkəzi tərəfindən LED işıqlandırma ilə təchiz olunan yeni svetoforlar quraşdırılıb.
Sürücülərin daha aydın görmələri üçün “L” və “A” tipli olmaqla piyada bölməli ümumilikdə 16 svetofor hərəkət iştirakçılarının istifadəsinə verilib.
Qeyd edək ki, işlər Azərbaycan Yerüstü Nəqliyyat Agentliyinin layihəsi əsasında həyata keçirilib.
