8 Noyabr tarixində Azərbaycan Respublikasının Prezidenti İlham Əliyev və Birinci xanım Mehriban Əliyeva Bakıda Zəfər abidəsini ziyarət edib və Zəfər Muzeyinin açılışında iştirak ediblər.

Muzeyin ekspozisiyası beynəlxalq təcrübə və dünyada mövcud muzey konsepsiyaları əsas götürülməklə, həmçinin ən son texnologiyalar tətbiq edilməklə işlənilib.

Baki-baku.az xəbər verir ki, noyabrın 9-dan isə ziyarətçilərin istifadəsinə veriləcək Zəfər Muzeyinə giriş ölkə başçısının müvafiq tapşırığına uyğun olaraq 3 gün ərzində pulsuz olacaq. Bu müddət ərzində hər kəs muzeyi ziyarət edərək zəfərin tarixi ilə daha yaxından tanış ola biləcək.