Londonun mərkəzində, Trafalqar meydanında sirli bir abidə var. Söhbət heç vaxt Böyük Britaniyaya səfər etməyən və heç bir zaman London torpağına ayaq basmayacağına and içmiş Corc Vaşinqtonun heykəlindən gedir.

Baki-baku.az xəbər verir ki, 1924-cü ildə amerikalılar Londona onun heykəlini hədiyyə edəndə, abidə ilə bərabər ABŞ torpağından da bir parça gətiriblər. Məhz həmin hissə üzərində heykəl ucaldılıb ki, Vaşinqton Britaniyanın mərkəzində belə, Amerika torpağı üzərində dayansın.

Bu jest abidəni həm müstəqilliyin unikal simvoluna, həm də incə diplomatik eyhama çevirir: əsrlər keçsə də, ABŞ-nin ilk prezidenti sözünə sadiq qaldı.