PSJ klubunun yarımmüdafiəçisi Juao Neveş Çempionlar Liqasının ümumi mərhələsinin 1-ci turunda “Atalanta” ilə keçirilən oyunda (4:0) sol dizaltı vətərindən zədələnib.
Baki-baku.az-ın məlumatına görə, bu barədə klubun rəsmi saytı məlumat yayıb.
Bildirilir ki, portuqaliyalı futbolçu gələn həftəyə qədər müalicə alacaq. Neveş həmin görüşün 58-ci dəqiqəsində əvəzlənib.
Beləliklə, o, sentyabrın 21-də, bazar günü keçiriləcək Fransa çempionatının 5-ci turunda “Marsel”lə matçı buraxacaq.
Qeyd edək ki, daha öncə yığma oyunları ilə bağlı fasilə zamanı komandanın hücumçuları Usman Dembelenin və Dezire Duenin də zədələndiyi açıqlanmışdı.
