“Mançester Siti”nin baş məşqçisi Xosep Qvardiola Çempionlar Liqasının ümumi mərhələsinin 1-ci turunda “Napoli”yə qarşı oyundan əvvəl komandasının Avropa turnirinin favoriti olub-olmadığı sualına cavab verib.

Baki-baku.az-ın məlumatına görə, ispan məşqçinin verdiyi cavab jurnaistləri təəccübləndirib.

“Görünür ki, yox. Biz sadəcə andan, bu macəradan zövq alırıq. Burada olduğumuza sevinirik. Keçmişdə favorit idik, amma cəmi bir dəfə qalib gəldik, deməli, bunu etmək kifayət qədər çətindir.

Biz sabaha, qarşıda oynayacağımız oyuna köklənmişik ki, bu turnirə yaxşı başlayaq. Pis nəticə ilə başlamaq həmişə daha çətin olur. Keçən mövsüm ilk oyunda “İnter”lə heç-heçə etmişdik. Ümid edirəm ki, bu mövsüm daha yaxşı nəticə əldə edə biləcəyik”, – deyə Qvardiola bildirib.