Çinli tədqiqatçılar insan orqanizminin qocalma prosesini ləngidə biləcək yeni preparat üzərində uğurlu ilkin sınaqlar həyata keçiriblər.
Baki-baku.az “Cell” jurnalında dərc olunan məqaləyə əsasən xəbər verir ki, eksperimental inyeksiya immun sistemini aktivləşdirərək qocalmış hüceyrələrin məhv edilməsini hədəfləyir.
12 həftə davam edən testlər zamanı beyin fəaliyyəti, yaddaş, əzələ toxuması, reproduktiv imkanlar və bir sıra daxili orqanların vəziyyətində nəzərəçarpacaq yaxşılaşma müşahidə olunub. Alimlər əldə olunan effekti təxminən yeddi illik “cavanlaşma” ilə müqayisə edirlər.
Tədqiqatçılar bildirirlər ki, bu nəticələr perspektivli olsa da, preparatın təhlükəsizliyi və effektivliyini təsdiqləmək üçün daha genişmiqyaslı klinik sınaqlara ehtiyac var.
