Psixoloqlar xoşbəxt insanların ortaq bir vərdişini üzə çıxarıblar – onlar evlərində səliqə-sahmanı qorumağa xüsusi diqqət yetirirlər.
Baki-baku.az xəbər verir ki, bu barədə İspaniyanın tanınmış “Vanitatis” nəşri məlumat yayıb. Mütəxəssislərin fikrincə, strukturlaşdırılmış və nizamlı bir ev mühiti insanın emosional rifahına müsbət təsir göstərir və gündəlik stresslə mübarizədə kömək edir.
Araşdırmalara görə, hər kəsin “səliqə” anlayışı fərqli olsa da, ümumi olaraq mütəşəkkil evdə yaşamaq düşüncələrin də nizama düşməsini asanlaşdırır. Əksinə, dağınıqlıq və səliqəsizlik yalnız fiziki mühitin deyil, həm də zehni durumun pozulmasına, prokrastinasiyaya (işləri təxirə salma vərdişinə) və həyat keyfiyyətinin aşağı düşməsinə səbəb ola bilər.
Ətraf mühitiniz nə qədər nizamlıdırsa, daxili dünyanız da bir o qədər tarazlı ola bilər.
