“Atletik” (Bilbao) “Əl-Nəsr” klubunun müdafiəçisi Emerik Laportun qeydiyyatı üçün FİFA-dan icazə almağı bacarıb.
Baki-baku.az xəbər verir ki, bu barədə klubunun rəsmi saytına məlumat yerləşdirilib.
Əvvəlcə futbolçunun Bilbao komandasına qayıtması, klubun sənədləri vaxtında təqdim edə bilməməsi səbəbindən alınmamışdı.
Klub qeyd edir ki, FİFA Emerik Laportun beynəlxalq transfer sertifikatının (CTI) alınması üçün müraciət edilməsinə icazə verib:
“FİFA İspaniya Krallığının Futbol Federasiyasına (RFEF) Səudiyyə Ərəbistanı Futbol Federasiyasından beynəlxalq transfer sertifikatını almaq üçün icazə verib. CTI verildiyi kimi, “Atletik” Emerik Laportun qeydiyyatını həyata keçirə biləcək”.
Emerik Laport 2018-ci ilin yanvarında “Atletik”dən ayrılaraq 65 milyon avro müqabilində “Mançester Siti”yə keçmişdi. 2023-cü ilin avqust ayında isə ispaniyalı futbolçu Kriştianu Ronaldunun oynadığı “Əl-Nəsr” klubuna transfer olunub.
