Azərbaycan memarlıq tarixində xüsusi yeri olan Mikayıl Hüseynov paytaxt Bakının simasının formalaşmasında mühüm rol oynayıb.
Baki-baku.az-ın məlumatına görə, onun layihələri şəhərin memarlıq üslubunda həm milli ənənələri, həm də müasir memarlıq prinsiplərini birləşdirir.
Görkəmli memarın imzasını daşıyan binalar bu gün də Bakının mədəni kimliyini əks etdirir. Onun ən tanınmış işləri arasında Alimlər evi, “Buzovnaneft” binası, Nizami kinoteatrı, “Elmlər Akademiyası” və “Nəriman Nərimanov” metro stansiyaları, həmçinin “Azad Qadın” və Nizami Gəncəvi abidələri xüsusi yer tutur.
Mikayıl Hüseynovun layihələri yalnız tikili deyil, həm də şəhərin tarixi yaddaşının bir parçasıdır. Onun əsərləri paytaxtın memarlıq simvoluna çevrilməklə yanaşı, gələcək nəsillər üçün də dəyərli irs olaraq qalır.
