Kolizey eramızın I əsrində Flaviyev sülaləsinin imperatorları dövründə inşa olunub. Bina 50 mindən çox insanı qəbul edə bilirdi. Onun tikintisi səkkiz il davam edib və 80-ci ildə imperator Titusun hakimiyyəti vaxtı açılıb.

Bu, Roma xalqı üçün əyləncə məkanı idi və burada Roma imperiyasının gücü və qüdrəti nümayiş etdirilirdi.

Çoxəsrlik tarixində Kolizey bir neçə dəfə təbii fəlakətlər – zəlzələlər və yanğınlar səbəbindən zərər görüb. Lakin hər dəfə Roma imperatorları və hakimiyyət orqanlarının səyləri sayəsində bərpa olunub.

Qərbi Roma imperiyasının süqut dövründə (V əsr) qəbilə hücumları başladı. Bu hadisələr Kolizeyin tənəzzülünə səbəb oldu. O, əvvəlki məqsədindən istifadə olunmadı və tədricən dağılmağa başladı. Kolizey qəbiristanlıq kimi istifadə olundu, onun arkadaları və otaqları isə yaşayış və iş yerlərinə çevrildi. Beləliklə, amfiteatr əvvəlki görkəmini və əhəmiyyətini itirdi.

1349-cu ildə baş verən güclü zəlzələ Kolizeyə, xüsusilə onun cənub hissəsinə ciddi zərər vurdu. XIV əsrdən etibarən Kolizey fəal şəkildə tikinti materialı mənbəyi kimi istifadə olunmağa başladı. Papalar və nüfuzlu ailələr Kolizeyin daşlarını saraylar və kilsələr inşa etmək üçün apardılar.

Yalnız XVIII əsrin ortalarında papalar Kolizeyin qalıqlarının qorunmasına maraq göstərməyə başladılar. Böyük teatrın qalan hissələrinin bərpası və təmiri üçün cəhdlər edildi.