Çinin Quansi əyalətində böyük mağaranın içində kitabxana açılıb.
Baki-baku.az bu barədə “Oddity Central“a istinadən xəbər verir.
Məlumata görə, açılışından sonra kitabxana tez bir zamanda turizm məkanına çevrilib və sosial mediada məşhurlaşıb. Kitabxana öz dizaynı ilə ziyarətçiləri heyran edib. Belə ki, taxta yollar və eyvanlar, ətrafdakı dağların və gur yaşıl meşələrin mənzərəsi möhtəşəm görüntü yaradır. Bir çox istifadəçi qeyd edir ki, kitabxananın fotoşəkilləri sanki süni intellekt tərəfindən yaradılıb və bu, hər kəs üçün açıq yerdir.
Yerli hakimiyyət orqanlarının bildirdiyinə görə, Myanhua kitabxanası təkcə mütaliənin populyarlaşmasına kömək etmir, həm də əyalətin ucqar ərazilərinə diqqəti cəlb edərək kənd turizmini inkişaf etdirir.
