Hamı Napoleon Bonapartı qısa boylu, demək olar ki, karikatura obrazlı bir sərkərdə kimi təsəvvür etməyə adət edib. Onun boyunun guya 157 sm-dən artıq olmadığı iddia olunur. Bu rəqəm isə köhnə ölçü vahidlərinin səhv tərcüməsi nəticəsində ortaya çıxıb: 5 fut 2 düym ingilis ölçü sisteminə görə hesablanıb. Halbuki XIX əsrdə hər xalqın öz “futu” var idi və fransızların futu ingilislərinkindən fərqli idi.
Baki-baku.az xəbər verir ki, Bonapartın boyunu fransız futu ilə düzgün hesablasaq, təxminən 169 santimetr alınır — bu da o dövr üçün tam orta göstərici idi.
Beləliklə, “balaca Napoleon” obrazı sadəcə bir mifdir. Bu mif ingilis təbliğatı ilə formalaşmış, əfsanələr, anekdotlar və tarixi karikaturalar vasitəsilə yaşayaraq həqiqəti kölgədə qoymuşdur.
Əslində isə imperator tamamilə normal boylu bir insan olub. Onu qısa göstərən — tarix deyil, əfsanələrdir.
Hacı Cavadov
