Kim ağlına gətirərdi ki, XX əsrin ən adi və geniş yayılmış ixtiralarından biri… sadə bir anlaşılmazlıq nəticəsində meydana gəlsin?

1904-cü ildə amerikalı çay taciri Tomas Sallivan qablaşdırma xərclərini azaltmaq məqsədilə müştərilərinə çay nümunələrini ağır dəmir qutular əvəzinə kiçik ipək torbalarda göndərdi.

Baki-baku.az xəbər verir ki, burada çox maraqlı bir hadisə baş verdi: müştərilər bu torbaları yeni dəmləmə üsulu hesab etdilər və torbanı birbaşa qaynar su olan fincana salmağa başladılar. Bu üsul çox rahat və əlverişli göründü və qısa müddət ərzində bütün dünyada milyonlarla insan tərəfindən qəbul olundu.

Beləcə, sadə bir səhv inqilabi ideyaya çevrildi: çay uzun və əziyyətli bir ritual olmaqdan çıxdı, “tələsik içilən içki”yə çevrildi və qastronomiyada sürətli və praktik həllərin yeni dövrünün başlanğıcını qoydu.

Hacı Cavadov