Bakının hər küçəsində, hər daşında görünməyən bir nəfəs gizlənib. Bu nəfəs səssiz də olsa, özünü bir çox məqamda hiss etdirir. Onu paytaxtın eyvanlarına baxanda da duymaq olur. Kimisi köhnə filmlərdən çıxmış kimi görünür, kimisi isə sanki bu səhər memarın masasında çəkilib.
Əksər şəhərlərdə insanlar eyvandan çölə, Bakıda isə, həmçinin gözünü çöldən içəriyə yönəldir. Burada bəzən bir küçədən keçərkən qarşıdakı eyvanı bir səhnə kimi izlədiyini hiss edirsən. Bir pəncərə yanında asılmış ağ pərdə, köhnə dəmir barmaqlıqlar, rəngini itirmiş bir dibçək… Hər biri balaca bir səhnədir və o səhnədə hekayə yaşayır.
Baki-baku.az bu fotoreportajda həmin səhnələri axtarır.