2010-cu ilin avqust ayında dünya nəqliyyat tarixində ən inanılmaz tıxac hadisəsini izləyirdi. Çindəki 110 saylı dövlət avtomobil yolunda yaranan bu tıxac minlərlə sürücü üçün əsl cəhənnəmə çevrilmişdi.

Tıxac yüzlərlə kilometrə qədər uzanmış və 14 avqustdan 25 avqustadək — düz 11 gün ərzində nəqliyyatın hərəkətini iflic etmişdi! Bəzi sürücülər etiraf edirdilər ki, cəmi 100 kilometrlik məsafəni qət etmək üçün… düz beş gün vaxt sərf etmişdilər.

Baki-baku.az xəbər verir ki, bu nəqliyyat xaosunun əsas səbəbi Daxili Monqolustan bölgəsindən Pekinə kömür daşıyan yük maşınlarının sayının kəskin artması və eyni zamanda yol təmir işlərinin aparılması olmuşdur.

Bu tıxac dünyanın ən böyük tıxacı kimi tarixə düşdü — sənaye tərəqqisinin necə qəfil dayanıb kilometrlərlə xaosa çevrilə biləcəyinin simvoluna çevrildi.

Hacı Cavadov