АФИША

Şərq motivləri, Qərb cazibəsi və zamanın ritmi – bir səhnədə canlanır! Bu axşam musiqi danışacaq, səslər duyğulara çevriləcək. Kamera orkestri və sevilən ifaçılar – musiqi bayramında ürəklərə yol açacaq. Ənənə və müasirlik birləşəcək, klassika estradanın nəfəsiylə yenidən doğulacaq. Hər bir melodiyada Vətən sevgisi, torpaq qoxusu, xalqın yaddaşı səslənəcək. Bu, eşidilən deyil, hiss olunan musiqi olacaq. Əbədiyaşar Tofiq Quliyevin dillər əzbəri mahnıları ilə “Nadir Musiqi Axşamı” sizi duyğuların və xatirələrin ən gözəl səyahətinə dəvət edir. Gəlin – eşitmək üçün yox, hiss etmək üçün!

«Lara Martin’s Jazz Club» Azərbaycan Dövlət Akademik Musiqili Teatrının ecazkar caz-tamaşasıdır. Bu caz-tamaşa dünya ədəbiyyatının görkəmli nümayəndəsi Aleksandr Ostrovskinin “Cehizsiz qız” pyesi əsasında hazırlanıb. Fərqli üslubu və maraqlı səhnə tərtibatı ilə seçilən səhnə əsəri Azərbaycan teatr məkanında bir ilkdir. Teatrın rus bölməsində ərsəyə gələn əsərin quruluşçu rejissoru İradə Gözəlova, layihənin bədii rəhbəri Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevdir. Tamaşanın quruluşçu dirijoru Əməkdar incəsənət xadimi Fəxrəddin Atayev, musiqi tərtibatçıları Əməkdar artist, Prezident mükafatçısı Nərgiz Kərimova və adı Azərbaycanın gənc istedadlarının «Qızıl kitabı»na yazılan Nərminə İsmayılova, quruluşçu rəssamı Vüsal Rəhim, quruluşçu baletmeysteri Əməkdar artist Emin Əliyev, rejissor assistenti Tamilla Aslanovadır. «Lara Martin’s Jazz Club»da baş rolun ifaçısı Əməkdar artist Nərgiz Kərimovadır. Səhnə əsərinin digər iştirakçıları Əməkdar artistlər Fərid Əliyev, Nahidə Orucova, aktyorlar Əliməmməd Novruzov, Rauf Babayev, Emil Heydərov, piano ifaçısı Nərminə İsmayılova və «DJ Maqa» – Məhəmməd Məmmədovdur.

F. Skott Fitsceraldın əfsanəvi romanı əsasında səhnələşdirilən bu musiqili tamaşa – zənginlik, xəyal və aldanış dünyasına səyahətdir. Caz dövrünün parıltılı gecələrində, lüks və ehtiras fonunda Cey Qetsbinin həyata keçməyən sevgisi və daxili faciəsi ön plana çıxır. Bu tamaşa – yetkin tamaşaçılar üçün arzuların süqutu, aldadıcı xoşbəxtlik və təkliyin musiqili portretidir.

“Anamın kitabı” Yaş həddi: 6+ Müəllif: Cəlil Məmmədquluzadə Janr: Tragikomediya Dil: Azərbaycan Tamaşanın müddəti: I hissə – 65 dəqiqə II hissə – 60 dəqiqə Quruluşçu rejissor: Firudin Məhərrəmov Quruluşçu rəssam: Ülviyyə Zərbəliyeva

«Motsart axşamı» — XVIII əsr dahisinin ölməz əsərlərini Azərbaycanın ən yaxşı musiqiçilərinin ifasında dinləmək imkanıdır. Tarixi Kirxa divarları arasında, unikal akustika sayəsində notların xüsusilə təmiz və dərindən səslənməsi Motsartın musiqisini daha canlı, daha səmimi, daha ilhamverici və daha müasir edəcək. Konsertdən əvvəl qonaqlar sayrışan şamların işığında Kirxanın ab-havasından zövq ala, fotolar çəkə və ya sadəcə olaraq şəhərin hay-küylü ab-havasından bir anlıq ayrılıb rahatlıq tapa bilərlər. Bu axşam sizə klassik musiqinin canlı, emosional, ürəkdən və ehtiraslı ifasını bəxş edəcək

Konsert milli musiqilərlə qəlblərə nur saçmaqla yanaşı, tamaşaçılara Azərbaycan kəlağayısının zəngin tarixini və zərif gözəlliyini təqdim edəcək. Mirvarid Dilbazi Poeziya Məclisi İctimai Birliyi tərəfindən təşkil olunan bu proqram, Azərbaycan mədəniyyətinin nadir incilərindən biri olan kəlağayının şöhrətinə həsr olunub. Konsertdən öncə foyedə Kəlağayı Muzeyinin eksponatlarından ibarət sərgi təşkil ediləcək.