İtaliyanın Paduya şəhərində həkimlər dünyada ilk dəfə işləyən ürəyin transplantasiyası əməliyyatını həyata keçiriblər.
Baki-Baku.az bu barədə “Messaggero” nəşrinə istinadən xəbər verir.
Məlumata görə, bu üsulla həm orqanın götürülməsi, həm də transplantasiya zamanı işemiya (qan təchizatının azalması) və reperfuziyadan (qan dövranının bərpası təzahürləri) yaranan zədələr aradan qaldırılacaq. Həkimlər hesab edirlər ki, yeni texnologiya əməliyyatdan sonrakı məhsuldarlığın yaxşılaşdırılması ilə ürək funksiyalarının daha sürətli bərpasını təmin edəcək.
Xəstənin vəziyyəti yaxşı olduğu bildirilir.
Qeyd edək ki, eyni xəstəxanada, lakin təxminən 40 il əvvəl ölkədə ilk ürəkköçürmə əməliyyatı aparılıb.
