İsrail-Fələstin münaqişəsinin gərginləşməsinin qarşısı alınmazsa, Yaxın Şərqdən Üçüncü Dünya müharibəsi başlaya bilər.
XQ xəbər verir ki, bunu Belarusun prezidenti Aleksandr Lukaşenko jurnalistlərə deyib.
Onun sözlərinə görə, münaqişə tərəflərinin bu və ya digər ölkədə istehsal olunan silahlardan istifadə etməsi hələ heç nəyi sübut etmir. Bu, silah ticarətidir və qanunidir.
O, həmçinin bildirib ki, ola bilsin, kimsə hansısa yolla bu silahları alıb, HƏMAS bu raketləri alıb.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Anar ƏLİ
