Marsdan canlı yayım

Avropa Kosmik Agentliyi (ESA) “Mars Ekspress” missiyasının 20-ci ildönümünü qeyd edir. Bunun üçün tarixdə ilk dəfə olaraq Marsdan canlı yayım etməyi planlaşdırır. Bu marədə CNN saytı məlumat verib.

Canlı yayım bugün saat 19.00-da baş tutacaq. Təxminən bir saat davam edəcək yayım hər 50 saniyədən bir göndərilən fotoşəkillərlə həyata keçiriləcək. Bundan əlavə, “#MarsLIVE” həştəqi ilə ESA-nın “Twitter” hesabında müxtəlif detallar paylaşılacaq.

ESA-nın meneceri Ceyms Qodfri bu nəşrin kosmos tarixi üçün dönüş nöqtəsi olacağına diqqət çəkib. Marsın şəkillərinin daha əvvəl dəfələrlə görülmüş olsa da, bu canlı yayımın kifayət qədər aktual olması proqnozlaşdırılır.

Əfsanə ƏHƏDLİ