Ərdoğan Putinlə telefonla danışıb

Türkiyə Prezidenti Rəcəb Tayyib Ərdoğan Rusiya Prezidenti Vladimir Putinlə telefon danışğı aparıb.

APA-nın Türkiyə müxbirinin verdiyi xəbərə görə, bu barədə Türkiyə Prezidenti Administrasiyası məlumat yayıb.

Qeyd olunub ki, danışıq zamanı Prezident Ərdoğan İstanbul danışıqlarında əldə edilən sürəti artıraraq bölgədə ən qısa zamanda qalıcı sülhün bərqərar olmasını istədiklərini dilə gətirib.

Bundan əlavə, o, kəşfiyyat xidmətləri arasında dialoqun davam etdirilməsinin, Rusiya ilə Ukrayna arasında müharibənin dayandırılması və sülhə gedən yolda vasitəçilik üçün təşəbbüs göstərməyə hazır olduğunu bildirib.