Tramp: Birləşmiş Ştatlar tarixinin ən təhlükəli dövrünü yaşayır

Birləşmiş Ştatlar tarixinin ən təhlükəli dövrünü yaşayır. "Baki-Baku.az" Tass-a istinadən xəbər verir ki, bunu ABŞ-ın keçmiş prezidenti Donald Tramp Floridadakı çıxışı zamanı deyib.

"İndi ölkəmizin tarixində ən təhlükəli dövrdür. Heç vaxt dünyamız bu qədər müdafiəsiz olmamışdı", - deyən Tramp əlavə edib ki, hazırda dünyada silahlar görünməmiş səviyyədədir və onlardan ABŞ-da olduğu kimi, digər ölkələrdə də var. Keçmiş prezidentin sözlərinə görə, əvvəllər belə bir şey olmayıb.

Ağ Evin sabiq rəhbəri onu da qeyd edib ki, İran və Rusiya da daxil olmaqla bir çox dövlətlər artıq ABŞ-dan qorxmurlar.