Rusiya Prezidenti Vladimir Putin dünyadakı bütün koronaviruslara son qoyub.
APA-nın Moskva müxbiri xəbər verir ki, bu barədə Belarus Prezidenti Aleksandr Lukaşenko bildirib.
“Hər şey bitəndən sonra düşünmək lazımdır. Vəziyyətin gərginləşməsi kiməsə sərf edir. Dünən Putinə deyirəm ki, qulaq as, sənə halaldır, müharibə müharibədir, amma sən bir anda dünyada bütün koronavirusları bitirdin, hamı sağaldı”, - Belarus Prezidenti vurğulayıb.
Lukaşenko qeyd edib ki, koronavirusun yeni ştamlarının müəyyən edilməsi ilə bağlı mütəxəssislər tez bir zamanda varlanıb: “İndi dünyanın dəyişməsi prosesi gedir. Pandemiya bunda hansı rolu oynadı? Mən hələlik bunu bilmirəm. Lakin onun böyük rol oynadığı fikrindəyəm. Yəqin ki, bu fakt olacaq. Biz hər şeyi yerinə qoyanda, nəticə çıxaracağıq. Lakin Belarusun tutduğu yol düzgün idi və bu yola indi tələbat var”.
