Ukraynada müharibə başlayandan 191 uşaq ölüb

Rusiyanın Ukraynaya hücumu nəticəsində fevralın 24-dən bu günə qədər 191 uşaq həlak olub, 349 uşaq isə yaralanıb.

APA xəbər verir ki, bu barədə Ukrayna Baş Prokurorluğu məlumat yayıb.

Uşaqların ən çox yaralanması halı Donetsk, Kiyev, Xarkov, Çerniqov, Xerson və Luqansk vilayətlərində qeydə alınıb.

Rusiya artilleriyasının zərbələri nəticəsində 957 təhsil müəssisəsi zədələnib, 88-i isə tam dağılıb.