Türkiyə XİN Buça qətliamı ilə bağlı açıqlama yaydı

“Kiyev yaxınlığındakı müxtəlif bölgələrdən, o cümlədən Buça və İrpindən mətbuatda əksini tapan görüntülər insanlıq üçün dəhşətli və kədərlidir”.

APA-nın xəbərinə görə, bu barədə Türkiyə Xarici İşlər Nazirliyinin bəyanatında bildirilib.

Qeyd olunub ki, günahsız mülki şəxslərin hədəfə alınması qəbuledilməzdir: “Bu hadisənin müstəqil şəkildə araşdırılması, məsuliyyət daşıyanların müəyyən edilərək məsuliyyətə cəlb olunmasını ümid edirik. Türkiyə insanlıq üçün bu cür utancverici səhnələrə son qoymaq və ən qısa zamanda sülhün təmin edilməsi üçün fəaliyyətinə davam edəcək”.