Ukrayna prezidenti Vladimir Zelenski deyib ki, təhlükəsizlik zəmanətlərinə ehtiyac var, lakin ən güclü sazişi imzalasaq belə, Rusiya iki ilə qayıda bilər.
APA Ukrayna prezidentinin yerli telekanllara verdiyi müsahibəyə istinadən bildirir ki, özünü qorumağa qadir olan dövlət quracağıq deyə - Zelenski vurğulayıb.
"Ordu dövlətimizi müdafiə etməyə qadir olmalıdır. Bizim mövqemiz var, bu, baş komandanla ortaqdır və biz nə etdiyimizi başa düşürük. Başa düşürük ki, ən güclü müqaviləni imzalasaq belə, Rusiya iki ilə qayıda bilər. Əgər biz bunu qəbul etsək, ona uyğun hərəkət edirik. Mən bilirəm ki, David (red. - Arakhamiya) danışıqlar zamanı bizim inanmadığımızı çatdırıb. Ona görə də dövlətimizin müdafiə qabiliyyəti ilə bağlı müəyyən şeylərdən danışanda dərhal deyirik ki, biz özünü müdafiə edə bilən dövlət quracağıq... Bizə təhlükəsizlik təminatı lazımdır. Bir çox təfərrüatlar var ki, haqqında danışmaq istəmirəm, çünki onlar uzaqdadır”, - deyə Zelenski bildirib.
