Britaniya kəşfiyyatı: Rusiya Ordusu bir sıra mövqelərdən geri çəkilib

Ukrayna qüvvələri Kiyevin şimal-qərbində, o cümlədən İrpin, Buça və Hostomeldə lokallaşdırılmış əks-hücumlar keçirməyə davam edir.

APA xəbər verir ki, bu barədə Britaniya Müdafiə Nazirliyinin Kəşfiyyat Xidmətinin məlumatında bildirilib.

Kəşfiyyat Xidməti bildirib ki, Ukrayna qüvvələrinin bu hücumları müəyyən uğur qazanıb və ruslar bir sıra mövqelərdən geri çəkiliblər.

"Lakin Rusiya zərbə qabiliyyətinə görə hələ də şəhərə ciddi təhlükə yaradır".
Məlumatda bildirilib ki, Rusiya qüvvələri Mariupula hücumunu davam etdirərək şəhəri intensiv atəşə tutur, lakin şəhərin mərkəzi hələ də Ukraynanın nəzarətindədir.

"Digər yerlərdə Rusiya öz qüvvələrini yenidən təşkil etməyə və sıfırlamağa cəhd edir mövqelərini qoruyur".