Zelenski Almaniya Bundestaqında çıxış edib

Ukrayna Prezidenti Vladimir Zelenski Almaniya Bundestaqında videokonfrans formatında çıxış edib.

APA xəbər verir ki, Ukrayna Prezidenti bildirib ki, Rusiya hərbi qüvvələri Ukraynanın mülki infrastrukturuna ağır zərbələr endirir.

"Son üç həftə ərzində Rusiyanın hücumu nəticəsində minlərlə ukraynalı həlak olub, o cümlədən 100-dən artıq uşaq həyatını itirib. Bütün bunlar 21-ci əsrdə Avropanın mərkəzində baş verir”, - o deyib.