Kuleba Çavuşoğlu ilə birlikdə Lavrovla danışıqların taktikasını müzakirə edəcək

Ukraynanın xarici işlər naziri Dmitri Kuleba bu gün türkiyəli həmkarı Mövlud Çavuşoğlu ilə birlikdə Rusiya XİN başçısı Sergey Lavrovla danışıqların taktikası barəsində müzakirə aparacaq.

APA “Ukrinform.net”ə istinadən xəbər verir ki, bu barədə Dmitri Kuleba bildirib.

“Biz onunla birlikdə prosesin məntiqini quracağıq. Mən hər zaman xarici işlər nazirləri səviyyəsində müzakirələrə hazır olduğumu təsdiqləmişəm. Əlbəttə o şərtlə ki, cənab Lavrov da məsələlərin substansiv müzakirəsinə və spesifik problemlərin həllinə hazır olsun”, - Kuleba qeyd edib.