Rusiya və Ukrayna danışıqlarda bəzi məsələlərdə anlaşıb

Belarusda baş tutan danışıqlarda Rusiya və Ukrayna bəzi məsələlərdə anlaşa bilib.

APA-nın xəbərinə görə, bu barədə "Ria Novosti"yə Rusiya Prezidentinin köməkçisi, Rusiya nümayəndə heyətinin başçısı Vladimir Medinski bildirib.

"Görüş yeni başa çatıb. Ukrayna tərəfi ilə biz 3 blokda olan məsələləri müzakirə etmişik: hərbi məsələ, humanitar məsələ və münaqişənin gələcək siyasi həlli məsələsi. Mövqelər tam aydındır, bəndlərlə yazılıb. Hər bir hissə üzrə anlaşma əldə edilib”, - deyə Medinski bildirib.