Lavrov: “Rusiya Ukraynanı neonasistlərin idarə etməsinə imkan verməyəcək”

“Rusiya Federasiyası Ukraynanı neonasistlərin idarə etməsinə imkan verməyəcək”.

APA xəbər verir ki, bunu Rusiya xarici işlər naziri Sergey Lavrov bu gün keçirdiyi brifinqdə deyib.

S. Lavrov hazırkı Ukrayna hakimiyyətinin demokratik olmadığını bildirib: “Biz öz xalqına qarşı soyqırımı metodlarından istifadə edən və zülm edən hakimiyyəti demokratik saya bilmərik”.

Nazir Rusiyanın Ukrayna ilə danışıqlara hazır olduğunu deyib və bunun şərtini açıqlayıb.

S. Lavrov Ukrayna Ordusu silahı yerə qoyacağı halda danışıqların mümkünlüyünü vurğulayıb.