Britaniya kəşfiyyatı: Rusiya müharibənin ilk gününün hərbi məqsədlərinə çata bilməyib

Rusiya müharibənin ilk gününün hərbi məqsədlərinə çata bilməyib.

APA-nın xəbərinə görə, bu barədə Böyük Britaniya Müdafiə Nazirliyinin kəşfiyyat xidmətinin məlumatında bildirilib.

Qeyd olunub ki, Ukrayna Ordusu Rusiya bölmələrinin Çerniqov istiqamətində hücumunu dəf edib, lakin döyüşlərin şəhər ətrafında davam etdiyi ehtimal edilir.

Kəşfiyyat məlumatında o da bildirilib ki, Ukrayna Ordusu cəbhənin bütün cinahları boyunca Rusiya qoşunlarına şiddətli şəkildə müqavimət göstərib.

Məlumatda Rusiya hərbçilərinin Çernobıl Atom Elektrik Stansiyasının ərazisini işğal etdiyi və stansiyanın əməkdaşlarının saxlanıldığı qeyd olunub.