Dövlət Departamenti: ABŞ vətəndaşları bütün vasitələrlə Ukraynanı tərk etməlidir

Amerika Birləşmiş Ştatlarının (ABŞ) Dövlət Departamenti bildirib ki, ABŞ vətəndaşları mövcud olan bütün nəqliyyat vasitələri ilə Ukraynanı tərk etməlidir.

APA “RİA Novisti”yə istinadən xəbər verir ki, bu barədə Dövlət Departamenti məlumat yayıb.

“ABŞ vətəndaşları Ukraynaya səyahət etməməlidir. Ukraynada olanlar mövcud olan bütün nəqliyyat vasitələri ilə oranı tərk etməlidir”, - deyə bəyanatda qeyd olunur.

Dövlət Departamenti xəbərdarlıq edib ki, ABŞ hakimiyyəti hər an başlaya biləcək hərbi əməliyyatlar zamanı öz vətəndaşlarını Ukraynadan çıxara bilməyəcək.