Lavrov Britaniya XİN başçısı ilə Moskvada görüşüb

Moskva ilə London arasında münasibətləri yalnız bərabərhüquqlu dialoq yolu ilə sabitləşdirmək olar.

APA-nın Moskva müxbirinin verdiyi məlumata görə, bunu Rusiyanın xarici işlər naziri Sergey Lavrov britaniyalı həmkarı Liz Tras ilə görüşdə bildirib.

"Əlbəttə ki, münasibətlər bir-birinin qanuni maraqlarının tanınması və hər iki tərəf üçün məqbul həll yollarının axtarışına əsaslanan eksklüziv dialoq yolu ilə normallaşdırıla bilər", - deyə Rusiya XİN başçısı görüşün protokol hissəsində çıxışında deyib.

Lavrov əlavə edib ki, səfər böhrandan çıxmaq məqsədi daşıyırsa, Moskva buna qarşılıq verəcək.

Qeyd edək ki, Böyük Britaniyanın xarici işlər naziri Liz Tras, eləcə də müdafiə nazir Ben Uolles Ukrayna məsələsini müzakirə etmək üçün Rusiyaya gəlib.