Almaniyada Merkel erası başa çatdı - hazırkı kanslerin təmsil etdiyi blok seçkini uduzdu

Almaniya Federal Seçki Komissiyasının açıqladığı ilk rəsmi nəticələrə görə, Almaniya Sosial Demokrat Partiyası (SPD) 25,7% səslə Bundestaqa keçirilmiş seçkilərdə qalib olub.

"Baki-Baku.az" "İnrefaks"a istinadən xəbər verir ki, hazırkı kansler Angela Merkelin təmsil etdiyi Xristian demokrat bloku səslərin yalnız 24.1% səs toplayıb. Bunun tarixdəki ən aşağı göstərici olduğu bildirlir. Seçkidə Yaşıllar Partiyası 14,8%, Almaniya Azad Demokrat Partiyası (FDP) 11,5%, Almaniya Alternativi 10,3% səs toplayıb. Almaniya "solçular"ın topladığı səs faizi isə 5%-lik həddi keçməyib.

Qeyd edək ki, dünən Almaniyada parlament seçkiləri keçirilib. Angela Merkel bu seçkiyə qatılmadı. Bu onun 16 il hakimiyyətdə olduqdan sonra kansler postu ilə vidalaşması deməkdir.