- Daxili siyasət
- 10:00 23.09.2024
Ötən gün Kabil Beynəlxalq Hava Limanında törədilmiş terror aktları nəticəsində ölən Əfqanıstan vətəndaşlarının sayı 200 nəfərə çatıb. BBC NEWS xəbər verir ki, bu barədə ABŞ-ın “The Wall Street Journal” qəzeti məlumat yayıb.
Qeyd edək ki, terror aktları zamanı 13 ABŞ hərbçisi həyatını itirib, 18 amerikalı hərbçi xəsarət alıb.
Bu gün ABŞ-ın Müdafiə Nazirliyinin rəsmi nümayəndəsi Çon Kirbi Pentaqonda keçirilən mətbuat konfransında yeni təhlükələrlə bağlı əldə olunan məlumatlar barədə danışıb. O eyni zamanda dünən Kabil aeroportunda 2 deyil, 1 partlayışın olduğunu bildirib. MN-nin sözçüsü onu da deyib ki, indyəcən Amerika təyyarələri ilə Əfqanıstandan 110 min nəfər çıxarılıb, 5400 nəfərsə hələlik Kabil aeroportunda öz reysini gözləyir.
BBC-nin Əfqanıstanın səhiyyə qurumlarından əldə etdiyi məlumata əsasən isə ölənlərin sayı 170 nəfərdir.