Beynəlxalq ictimaiyyət Əfqanıstandakı son vəziyyətlə bağlı birgə bəyanat yayıb.
APA-nın xəbərinə görə, bu barədə Avropa İttifaqının (Aİ) Xarici Fəaliyyət Xidmətinin saytında məlumat verilib.
"Təhlükəsizlik vəziyyətinin pisləşdiyini nəzərə alaraq, ölkəni tərk etmək istəyən əcnəbi vətəndaşların və əfqanların təhlükəsiz və nizamlı şəkildə ölkədən getməsini dəstəkləyir, bunu təmin etmək üçün çalışır və bütün tərəfləri bu prosesə hörmət etməyə və asanlaşdırmağa çağırırıq. Əfqanıstanda səlahiyyət sahibi olanlar insan həyatının və əmlakının qorunması, təhlükəsizlik və nizamın dərhal bərpası üçün məsuliyyət daşıyırlar", -deyə birgə bəyanatda qeyd olunub.
Bildirilib ki, bu ölkədən ayrılmaq istəyən əfqanlara və beynəlxalq vətəndaşlara buna icazə verilməlidir; "Yollar, hava limanları və sərhəd keçidləri açıq qalmalı və sakitlik qorunmalıdır. Əfqanıstan xalqı təhlükəsizlik, əmniyyət içində və ləyaqətli şəkildə yaşamağa layiqdir. Biz onlara kömək etməyə hazırıq”.
Birgə bəynatı Albaniya, Avstraliya, Avstriya, Baham adaları, Belçika, Burkino Faso, Kanada, Çili, Kolumbiya, Kosta Rika, Kotivuar, Xorvatiya, Çex Respublikası, Danimarka, Dominikan Respublikası, El Salvador, Estoniya, Mikroneziya, Fici, Finlandiya, Fransa, Gürcüstan, Almaniya, Qayana, Yunanıstan, Qvatemala, Qana, Haiti, Honduras, İslandiya, İrlandiya, İtaliya, Yaponiya, Kosovo, Latviya, Liberiya, Lixtenşteyn, Litva, Luksemburq, Malta, Marşal adaları, Mavritaniya, Monteneqro, Nauru, Niderland, Yeni Zelandiya, Nigeriya, Şimali Makedoniya, Norveç, Palau, Panama, Paraqvay, Polşa, Portuqaliya, Qətər, Koreya, Kipr Respublikası, Rumıniya, Sierra Leone, Slovakiya, Sloveniya, İspaniya, Surinam, İsveç, Toqo, Tonqa, Uqanda, Britaniya, Ukrayna, Yəmən və Aİ-nin Ali Nümayəndəsi imzalayıb.
