- Daxili siyasət
- 10:00 23.09.2024
Ekvador məhkəməsi WikiLeaks-in qurucusu Culian Assancın vətəndaşlığını ləğv edib. "Baki-Baku.az" "RİA Novosti"yə istinadən xəbər verir ki, bununla bağlı aktivistin vəkilinə rəsmi bildiriş təqdim olunub.
Assanc 2017-ci ilin dekabrında bu ölkənin Londondakı səfirliyində gizlənərkən Ekvador hökumətindən vətəndaşlıq almışdı.
Qeyd edək ki, 2010-cu ildə İsveçdə cinsi təcavüz və təcavüzdə günahlandırılan Assanc ekstradisiyadan qorxaraq 2012-ci ilin iyunundan bəri Londondakı Ekvador səfirliyində gizlənmişdi. 11 aprel 2019-cu ildə ABŞ-ın tələbi ilə tutuldu. O vaxtdan bəri Assanc Belmarş həbsxanasında saxlanılır.
Assancın ekstradisiyası ilə bağlı məhkəmə prosesi 2 may 2019-cu ildə başladı. Bundan qısa müddət sonra ABŞ səlahiyyətliləri ona casusluq və gizli məlumatların açıqlanması ittihamı irəli sürdüklərini elan etdilər. ABŞ-a ekstradisiya ediləcəyi təqdirdə Assancı 175 ilə qədər həbs cəzası ilə gözləyir.