Prezident parlamentin fəaliyyətini dayandırdı, spiker oturaq aksiyaya başladı

Tunis Xalq Nümayəndələri Məclisinin (Parlament) sədri və İslamçı "Ən-Nəhda" partiyasının lideri Rəşid Qənnuşi parlament binası yaxınlığında hərbçilər tərəfindən əhatəyə alınmış yerdə oturaq aksiya keçirir. "Baki-Baku.az" TASS-a istinadən xəbər verir ki, buna səbəb ölkə prezidenti Qais Səidin ali qanunverici orqanın fəaliyyətinin dayandırılmasına dair qərarıdır. 

Həmin qərardan sonra təhlükəsizlik qüvvələri və ordu parlamentə girişə maneçilik törədiblər. Buna görə də spiker R.Qənnuşi başda olmaqla bir qrup deputat parlament binası qarşısında oturaq aksiyaya start verib.