Pakistan Əfqanıstan münaqişəsinin həllinə Türkiyəni cəlb etmək təklifini irəli sürdü

Pakistanın Baş naziri İmran Xan Daşkənddəki brifinqdə Əfqanıstan münaqişəsinin həllinə Türkiyəni cəlb etməyi və Əfqanıstan qonşularının zirvə toplantısını keçirməyi təklif edib. "Baki-Baku.az" xəbər verir ki, məlumatı "EADaily" yayıb.

Pakistan baş nazirinin sözlərinə görə, Özbəkistan Prezidenti Şavkat Mirziyoyevlə danışıqlar zamanı tərəflər Əfqanıstandakı siyasi vəziyyəti ətraflı müzakirə ediblər. “Biz Əfqanıstanın qonşuları olaraq, bu məsələdən narahatıq. Qardaş Əfqanıstan xalqı son 40 ildə müharibələrdən əziyyət çəkir. Əfqanıstanda sülhə nail olmaq üçün siyasi həll tələb olunur. Bunu ətraflı müzakirə etdik. Əfqanıstanın qonşuları olan Özbəkistan, Tacikistan, İran, Pakistan və hətta Türkiyəni də Əfqanıstandakı sülh prosesini asanlaşdırmaq üçün səy göstərəcəyimizə inanırıq”.