- İqtisadiyyat
- 12:15 18.04.2024
Taliban terror təşkilatı Əfqanıstanda "Azad İslam dövləti sistemi" nin formalaşdırmağı hədəf seçdiyini açıqlayıb. "Baki-Baku.az" "RİA Novosti"yə istinadən xəbər verir ki, bunu təşkilatın ofisinin rəsmi nümayəndəsi Məhəmməd Naim deyib. Maraqlıdır ki, M.Naim taliblərin bütün Əfqanıstan üzərində hökmranlıq istəmədiklərini açıqlayıb. Bu isə ölkənin bölünəcəyinə dair anons kimi də qiymətləndirilə bilər.
"Məqsədimiz güc və hökmranlıq olsaydı, 2001-ci ildə buna nail olardıq", - deyə Naim vurğulayıb. O, eyni zamanda Talibanın ölkənin və millətin azadlığına sadiq olduğunu bildirib. Naim "Taliban"ın hələ Kabil təmsilçiləri ilə görüşmədiyini vurğulayıb, hərəkatın digər ölkələrlə dialoq aparmağa və onları narahat edən məsələləri müzakirə etməyə hazır olduğunu qeyd edib. “Bəzi ölkələr Əfqanıstanla münasibətlərdə problem yaşayırsa, qoy bu barədə danışsınlar, onları narahat edən nədir? Heç kimlə problemimiz yoxdur”, - deyə Naim fikrinə aydınlıq gətirib.
Qeyd edək ki, Əfqanıstandakı vəziyyət ABŞ və NATO qoşunlarının mayın 1-də ölkədən qoşunlarını rəsmi şəkildə geri çəkilməsinə başladıqdan sonra gərginləşib. ABŞ prezidenti Co Bayden Birləşmiş Ştatlar ordusunun 11 sentyabr tarixinə qədər Əfqanıstanı tamamilə tərk edəcəyini bildirib.