- Dünya
- 10:44 29.03.2024
Moskva və Bakı arasında təmaslar daimi əsaslarla davam edir. Hər kəs razıdır ki, Qarabağla bağlı üçtərəfli razılıq vacibdir və alternativsizdir. "Baki-Baku.az" "RİA Novosti"yə istinadən xəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib.
Qeyd edək ki, dünən Rusiya prezidenti Vladimir Putinlə Ermənistanın baş naziri vəzifəsini icra edən Nikol Paşinyan Moskvada görüşüb. Peskov da fikirlərini bu görüşlə bağlı təfərrüatları açıqlayarkən dilə gətirib.
"Azərbaycan tərəfi ilə daimi əsasda təmaslar davam edir. Hər kəs razıdır ki, Qarabağla bağlı üçtərəfli razılıq vacibdir və alternativsizdir. Məhz bunun reallaşdırılması zamanı Azərbaycan və Ermənistan tərəfi ilə təmaslar həyata keçirilir. Dünən ikitərəfli münasibətlər barədə geniş danışıldı, üçtərəfli bəyanatın müxtəlif nüansları və əlbəttə ticarət-iqtisadi əməkdaşlıq da müzakirə edildi", - deyən Peskov jurnalistlərin Putin və Paşinyanın görüşünün nəticələri ilə bağlı suallarını cavablandırıb.